Bakıda zibillikdə meyiti tapılan şəxsin ölümünün səbəbləri müəyyənləşdi

Noyabrın 2-də Sabunçu rayonunun Balaxanı qəsəbəsindəki poliqonda meyiti tapılan şəxsin ölümünün səbəbləri müəyyən edilib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Sabunçu RPİ 12-ci PB əməkdaşlarının  keçirdikləri əməliyyat tədbirləri nəticəsində noyabrın 2-də Balaxanı Məişət Tullantılarının Zərərsizləşdirilməsi Poliqonunda ölən Hacıağa Vəliyevin həmin gün poliqonda Bakı şəhər sakini Elxan Məmmədovun idarə etdiyi traktorla vurulması müəyyən edilib.