Salyan rayon Polis Şöbəsində nöqsanlar aşkar edilib

Milli Preventiv Qrupunun (MPQ) üzvləri Biləsuvar və Salyan rayon polis şöbələrinin müvəqqəti saxlanma yerlərinə (MSY) başçəkmələr həyata keçiriblər.Ombudsman Aparatının mətbuat xidmətindən Trend-ə verilən məlumata görə, qrup üzvləri Daxili İşlər Nazirliyinin Biləsuvar və Salyan rayon polis şöbələrinin (RPŞ) müvəqqəti saxlanma yerlərinə planlı başçəkmələr həyata keçirib, burada saxlanılan şəxslərlə görüşüb, onlara hüquqlarını izah ediblər.MSY-lərdə saxlanılan şəxslər rəftarla və saxlanılma şəraiti ilə bağlı şikayət etməyiblər. Eyni zamanda, Salyan rayon Polis Şöbəsinin MSY-də araşdırma zamanı bəzi nöqsanlar, o cümlədən sənədləşmə ilə bağlı çatışmazlıqlar aşkar olunub.Ombudsman tərəfindən başçəkmələrin nəticələri və nöqsanların aradan qaldırılması ilə bağlı daxili işlər nazirinə müraciət olunub.