Qadın İrandan heroin keçirmək istədi

Astara Gömrük İdarəsinin sərnişin şöbəsində İran İslam Respublikasından piyada yolla ölkəmizə gələn Azərbaycan vətəndaşı Mehri Həbibovanın üzərində şəxsi yoxlama aparılıb. Dövlət Gömrük Komitəsindən "Olaylar"a verilən məlumata görə, yoxlama zamanı ondan 1 ədəd bağlamada, xalis çəkisi 110,559 qram narkotik vasitə - heroin aşkar olunaraq götürülüb. Faktla bağlı araşdırma aparılır.