BMW aşdı, 1 nəfər ölüb

Hadisə Bakı-Qazax yolunun 416-cı kilometrliyində qeydə alınıb

Bakı-Qazax yolunda ağır yol qəzası baş verib. Baş Dövlət Yol Polisi İdarəsindən verilən məlumata görə, hadisə Bakı-Qazax yolunun 416-cı kilometrliyində qeydə alınıb.
Bakı şəhər sakini Aqil Fətullayev idarə etdiyi BMW markalı avtomobili aşırıb. Nəticədə xəsarət alan Aqil Fətullayev və onun sərnişinləri - həyat yoldaşı Gülşən, habelə Bakı sakini Aytən Hüseynova xəstəxanaya yerləşdiriliblər. Aytən Hüseynova orada ölüb, Aqil Fətullayev və Gülşənin vəziyyətləri isə qənaətbəxşdir.