Ər arvadını qaynatasının evində bıçaqladı

Yaralı qadın xəstəxanaya, arvadını bıçaqlayan kişi isə təcridxanaya göndərilib

Ağsu rayonunda ailə münaqişəsi zəmnində ər arvadını bıçaqlayıb. Rayon polis şöbəsindən ANS PRESS-ə verilən əmlumata görə, 1984-cü il təvəllüdlü Zeynal Əlisuvar oğlu Əliyev həyat yoldaşı, 1989-cu il təvəllüdlü Səadət Azər qızı Əliyevaya xəsarət yetirib. Ürəyindən bıçaq zərbəsi alan Səadət Ağsu rayon Mərkəzi Xəstəxanasına yerləşdirilib. Hazırda onun vəziyyəti orta-ağırdır.

Qeyd edək ki, hadisə Səadətin atasının M.Əzizbəyov küçəsindəki 3 saylı mənzildə baş verib. Kişinin əvvəllər də arvadı ilə mübahisələr etdiyi bildirilir. Ailənin 3 azyaşlı övladı var.

Hadisəni törədən Zeynal isə polis tərəfindən saxlanılıb. Faktla bağlı araşdırma aparılır