Xidmətini başa vuran əsgəri maşın vurub öldürdü

Azərbaycan Ordusunun əsgəri faciəli şəkildə ölüb. Qaradağ Rayon Polis İdarəsindən APA-ya verilən məlumata görə, hadisə dünən baş verib.Ordu sıralarından yeni tərxis olunan 20 yaşlı əsgər Elnur İsgəndər oğlu Məmmədrzayev hərbi hissədən çıxıb evə gedərkən onu "Mercedes" markalı maşın vurub. Ağır vəziyyətdə hospitala yerləşdirilən əsgər orada dünyasını dəyişib.Faktla bağlı araşdırma aparılır.E. Məmmədrzayev Şəmkir rayonundan həqiqi hərbi xidmətə çağırılıb.