DİN “Qarasu” neft şirkətinin işçilərinin qəzası barədə məlumat yaydı

Daxili İşlər Nazirliyi Hacıqabulda neft şirkəti əməkdaşlarının qəzaya uğraması barədə məlumat yayıb. "OLAYLAR"ın nazirliyin saytına istinadən yaydığı məlumata görə, hadisə oktyabrın 3-də saat 19.00 radələrində Hacıqabul rayonu "Muşovdağ" adlandırılan ərazidə baş verib.  Şirvan şəhər sakini Səmid Məmmədov idarə etdiyi "Qarasu" Əməliyyat Şirkətinə məxsus "KAVZ-685" markalı avtobusu aşırıb. Nəticədə xəsarət almış sürücü və 17 sərnişini xəstəxanaya yerləşdirilib. Hacıqabul RPŞ tərəfindən araşdırma aparılır.