251 şəxs barədə cinayət işi məhkəməyə göndərilib

2013-cü ilin 9 ayı ərzində Baş Prokuror yanında Korrupsiyaya Qarşı Mübarizə İdarəsinin istintaq şöbəsində 322 işin ibtidai araşdırması həyata keçirilib. "OLAYLAR"ın məlumatına görə, bu barədə Baş Prokuror yanında Korrupsiyaya Qarşı Mübarizə İdarəsinin rəisi Kamran Əliyev deyib. Onun dediyinə görə, şöbə tərəfindən 251 şəxs barəsində 138 cinayət işinin istintaqı tamamlanaraq baxılması üçün aidiyyəti məhkəmələrə göndərilib.

Məhkəmələrə göndərilmiş və mahiyyəti üzrə baxılmış bütün işlər üzrə ittiham hökmləri çıxarılıb, təqsirləndirilən şəxslərdən bəraət alanı olmamışdır. İstintaqı başa çatdırılmış  cinayət işləri üzrə  3 milyon 358 min manat dəyərində əmlak üzərinə  həbs qoyulması təmin edilib.

İstintaqı aparılmış və hazırda icraatda olan cinayət işləri üzrə fiziki və hüquqi şəxslərə vurulmuş 14 milyon 422 min manat ziyanın ödənilməsi təmin edilib.