Siyəzəndə 4 gün əvvəl itkin düşən şəxsin meyiti kanaldan tapıldı

4 gün əvvəl Siyəzəndə itkin düşən şəxsin meyiti tapılıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə sentyabrın 27-də  baş verib. Həmin gün itkin düşmüş Siyəzən rayon sakini Xalıq Ömərovun üzərində zorakılıq əlamətləri görünməyən meyiti sentyabrın 30-da Samur-Abşeron su kanalının Xızı rayonunun Sitalçay kəndinin ərazisindən keçən hissəsində tapılıb.