Bakıda bir həftə əvvəl piyadanı vurub qaçan sürücü ələ keçdi

Bakıda piyadanı vurub hadisə yerindən qaçan sürücü yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Suraxanı RPİ 33-cü PB əməkdaşlarının keçirdikləri əməliyyat-axtarış tədbirləri nəticəsində avqustun 17-də Nəzir Kazımovanın xəsarət alması ilə nəticələnən yol-nəqliyyat hadisəsinin "VAZ-2107" markalı avtomaşının sürücüsü, Bakı şəhər sakini Elçin Səfərov tərəfindən törədilməsi müəyyən edilib.