Şəmkirdə qonşusundan narkotika oğurlayan şəxs yaxalandı

Şəmkirdə qəribə cinayət faktı aşkarlanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Şəmkir RPŞ əməkdaşlarının keçirdikləri əməliyyat-axtarış tədbirləri nəticəsində Düzqışlaq kənd sakini Hüseyn Bayramovdan 18,9 qram marixuana götürülüb.  H.Bayramovun evinə baxış zamanı isə əlavə 1 kiloqram 450 qram marixuana aşkar edilərək götürülüb.

H.Bayramovun narkotik vasitəni qonşusu Eynəddin Əmiraslanovun həyətindən oğurlaması müəyyən edilib. E.Əmiraslanovun evinə baxış zamanı 180 qram marixuana aşkar edilərək götürülüb.