Bakı-Şamaxı yolunda dəhşətli qəza

İki maşın toqquşdu, 4 nəfər həlak oldu

Azərbaycanda dəhşətli yol qəzasında 4 nəfər həlak olub. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə Bakı-Şamaxı yolunun 61-ci kilometrliyində, Qobustan rayonu ərazisində baş verib. "Mercedes" və "VAZ-21015" markalı minik avtomobillərinin toqquşması nəticəsində 4 nəfər ölüb, 1 nəfər xəsarət alıb. "VAZ-21015" markalı avtomobilin sürücüsünün sıxılmış vəziyyətdə qalmış meyiti xilasedicilər tərəfindən müxtəlif alət və avadanlıqlardan istifadə edilməklə avtomobildən çıxarılaraq aidiyyəti üzrə təhvil verilib.  Hadisə ilə bağlı müvafiq qurumlar tərəfindən təhqiqat aparılır.