Bakıda ona yaxın mənzili qarət edən şəxs ələ keçdi

Bakıda ona yaxın mənzili qarət edən oğru yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Sabunçu RPİ 15-ci PB əməkdaşlarının keçirdikləri əməliyyat-axtarış tədbirləri nəticəsində sentyabrın 13-də Sona Zeynalovanın evindən 40 manat pul və qızıl əşyalarını oğurlamış Bakı şəhər sakini Oqtay Mirzəliyev tutulub. Ətrafında aparılan əməliyyat-axtarış tədbirləri nəticəsində onun Rza Cəfərovun evindən 11 manat pul, 1 ədəd mobil telefon və qızıl əşyaları, Vüsal Rəsulovun evindən qızıl əşyaları, Samirə Hacıyevanın evindən 200 manat pul və gümüş əşyaları, Efida Bəşirovanın evindən 1 ədəd su mühərriki və ev əşyaları, Alı Gövalovun evindən 4000 manat və 2500 dollar pul və Mehriban Hacıyevanın evindən 254 manat pul oğurlaması da müəyyən edilib.