“Niva” "Subaru" ilə toqquşdu

Bir nəfər öldü, biri yaralandı

Sumqayıt şəhərində vətəndaşa məxsus "Niva" makalı minik avtomobilinin digər vətəndaşa məxsus "Subaru" markalı minik avtomobili ilə toqquşması nəticəsində yanğın hadisəsi baş verib. Fövqəladə Hallar Nazirliyindən verilən məlumata görə, nəticədə "Niva" markalı minik avtomobilinin sürücüsü müxtəlif bədən və yanıq xəsarətləri ilə Təcili Tibbi Yardım xidmətinə təhvil verilib. Hadisə zamanı "Niva" markalı avtomobildə olan sərnişin 1958-ci il təvəllüdlü  Novruzov Yaşar Novruz oğlunun meyiti aşkar olunub. Yanğın  yanğınsöndürənlər tərəfindən söndürülüb.