“Audi” su hovuzuna düşüb

İki qardaş faciəvi şəkildə dünyasını dəyişib

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Quba rayonu, Mirzə Məmməd kəndində "Audi" markalı minik avtomobili sürücünün idarəetməsindən çıxaraq yol kənarındakı su  hovuzuna  düşüb. FHN-dən "Olaylar"a verilən məlumata əsasən  dərhal hadisə yerinə nazirliyin müvafiq xilasetmə qüvvələri cəlb olunub. Hadisə yerində əməliyyat şəraiti qiymətləndirilərkən məlum olub ki, minik avtomobilinin sürücüsü 1983-cü il təvəllüdlü Səmədov Rasim Səməd oğlu və sərnişin 1977-ci il təvəllüdlü Səmədov Cəsarət Səməd oğlu aldığı ağır bədən xəsarətindən hadisə yerində vəfat edib. Yanğınsöndürən-xilasedicilər R.Səmədov və C.Səmədovun cəsədlərini deformasiyaya uğramış avtomobilindən təhlükəsizlik qaydalarına riayət etməklə xüsusi alət və avadanlıqlar vasitəsi ilə çıxararaq aidiyyətı üzrə təhvil veriblər.