Bakıda mütəşəkkil cinayətkar dəstənin üzvləri tutuldu

Sentyabrın 7-də Bakı şəhəri, Suraxanı rayonu, Binə qəsəbəsində mütəşəkkil dəstənin üzvləri yaxalanıb. 
Lent.az-ın Daxili İşlər Nazirliyinin rəsmi saytına istinadən verdiyi məlumata görə, Suraxanı Rayon Polis İdarəsi 30-cu Polis Bölməsinin əməkdaşlarının keçirdikləri əməliyyat-axtarış tədbirləri nəticəsində sentyabrın 4-də T. Musayevə bıçaqla xəsarət yetirib 47 manat pulunu almış Binə qəsəbə sakinləri Samir Cəfərov, Rəqsanə Əliyeva, Çıraq Cabbarov, Tural Hüseynov və Əhliman Bağırov tutulublar.