“Azərenerji”nin obyektində yanğın

Abşeronda "Azərenerji" ASC-nin tikintisində yanğın olub. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə rayonun Ceyranbatan qəsəbəsində baş verib. "Azərenerji" ASC-yə məxsus ümumi sahəsi 40 kv.m olan tikilinin içərisində yerləşən transformatorun sarğıları, yağı və çıxış kabelləri 4 p.m yanıb. Tikili və digər transformatorlar yanğından mühafizə olunub. Yanğın saat 12:10-da yanğınsöndürənlər tərəfindən söndürülüb.