4 uşaq anası, 24 yaşlı qadın özünü yandırıb

Xaçmaz rayonunun Şərifoba kəndində bədbəxt hadisə baş verib. Rtv.az-ın məlumatına görə, kənd sakini, 4 uşaq anası 24 yaşlı Elnaz Şakir qızı Ömərova özünü yandırıb.

Yaralı dərhal Xaçmaz Mərkəzi rayon xəstəxanasına çatdırılıb. Xəstəxanadan RTV-yə verilən məlumata görə, Elnaz Ömərova tibb müəssisəsinə bədənin bütün hissələrinin termiki alov yanığı və yanığ şoku ilə gətirilib. Xəstənin vəziyyəti ağır olduğundan, yardım göstərildikdən sonra o paytaxt xəstəxanalarından birinə göndərilib. Amma Elnaz Ömərövanın həyatını xilas etmək mümkün olmayıb.

Hadisənin hansı səbəbdən baş verməsi hələ ki, məlum deyil. Fakt hüquq mühafizə orqanları tərəfindən araşdırılır. ("OLAYLAR"İA)