Azərbaycanda qatar 28 yaşlı qadının üstündən keçib

Hadisə Gəncə və Zazalı stansiyaları arasında baş verib

Bakı-Qazax marşrutu üzrə hərəkət edən sərnişin qatarı adam vurub. APA-nın verdiyi məlumata görə, hadisə bu gün səhər saat 8 radələrində Gəncə və Zazalı stansiyaları  arasında baş verib.  Əkin sahəsindən qayıdan Gəncə sakini, 1985-ci il təvəllüdlü Mirzəyeva Səyyarə Ədil qızı dəmir yolunu keçmək istəyərkən relslərin üstünə yıxılıb.

Bu vaxt hərəkətdə olan qatar onun üstündən keçib.

Faktla bağlı Gəncə Şəhər Prokurorluğunda cinayət işi açılıb, araşdırma aparılır.