Bir gündə dənizdən iki meyid tapıldı

Azərbaycanda dənizdən bir gündə iki meyid çıxarılıb. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən verdiyi məlumata görə,  iyunun 27-də Siyəzən rayonu, Böyük Həmyə kəndi ərazisində dənizdə ("Böyük Həmyə" sularda xilasetmə məntəqəsindən, təxminən, 500 m aralıda, nəzarətsiz ərazidə) batmış 1990-cı il təvəllüdlü Araz Ağaməhəmməd oğlu Məmmədovun axtarışları başa çatıb. A.Məmmədovun cəsədi sahildə aşkarlanıb.  Həmin gün 1984-сü il təvəllüdlü Samir Sayəddin oğlu Quliyev Quba rayonu, Vladimirovka kəndi ərazisindəki süni göldə (ən yaxın xilasetmə məntəqəsindən 70 km aralı, nəzarətsiz ərazidə) batıb. Dərhal Fövqəladə Hallar Nazirliyinin dalğıc-xilasediciləri hadisə rayonuna cəlb olunub və S.Quliyevin cəsədi batdığı yerdə tapılaraq sudan çıxarılıb aidiyyəti üzrə təhvil verilib.