Azərbaycanda neft daşıyan qatarda yanğın olub

Azərbaycanda neft daşıyan qatarda yanğın olub. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə Şəmkir rayonu ərazisində baş verib. Avqustun 7-də gecə saatlarında rayonun Könüllü kəndində "Azərbaycan Dəmir Yolları" QSC-yə məxsus Qazax-Bakı istiqaməti ilə hərəkət edən yük qatarının tutumu 60 ton olan boş sisternasının üzərindəki neft qalıqları yanıb. Sistern yanğından mühafizə olunub. Yanğın saat 03:21-də yanğınsöndürənlər tərəfindən söndürülüb.