DİN akademikin evini qarət edən şəxsin tutulması barədə məlumat yaydı

Daxili İşlər Nazirliyi Azərbaycan Milli Elmlər Akademiyasının (AMEA) həqiqi üzvü, fizika-riyaziyyat elmləri doktoru, professor, AMEA Fizika İnstitutunun direktoru Çingiz Qacarın evini qarət edən şəxsin saxlanılması barədə məlumat yayıb. "OLAYLAR"ın nazirliyin saytına istinadən yaydığı məlumata görə, DİN-in Baş Cinayət-Axtarış İdarəsi və Yasamal RPİ 26-cı PB əməkdaşlarının birgə keçirdikləri əməliyyat-axtarış tədbirləri nəticəsində avqustun 4-də Qacar Çingiz Oveys oğlunun evindən içərisində 60.000 dollar  pul, suvenir qaşıq, bıçaq və çəngəl olan dəmir seyfi oğurlamış Bakı şəhər sakini Nərmin Abbasova tutulub.