Şollar kəndi yanıb

Xaçmaz rayonunun Şollar kəndində yanğın baş verib. Hadisə 1971-ci il təvəllüdlü kənd sakini İlqar Bayramovun təsərrüfatında qeydə alınıb. Həyətyanı sahədəki ot tayası yanıb. Əraziyə FHN-nin Xaçmaz DYMH-nin 2 yanğınsöndürən maşını və canlı qüvvəsi cəlb olunub. Alovun yaxınlıqdakı evlərə keçməsinin qarşısı alınıb. Hadisə zamanı xəsarət alan olmayıb.

Digər bir yanğın hadisəsi axşam saatlarında Xaçmaz rayonunun Mürşüd-oba kəndində baş verib. 1953-cü il təvəllüdlü kənd sakini Məhyəddin Ağayevin həyətyanı sahəsindəki ot tayası yanıb. Hadisə yerinə FHN-nin Xaçmaz DYMH-nin 1 yanğınsöndürən maşını və canlı qüvvəsi cəlb olunub. Yanğının yaxınlıqdakı bağ sahəsinə keçməsinin qarşısı alınıb. Hadisə zamanı heç kim xəsarət almayıb. ("OLAYLAR"İA)