Bakıda yük avtomobili piyadanı vurub öldürdü

Hadisə Nərimanov rayonu ərazisində baş verib

Bakının Nərimanov rayonu ərazisində yük avtomobili piyadanı vurub. ANS PRESS-in Daxili İşlər Nazirliyinin saytına istinadən verdiyi məlumata görə, hadisə iyulun 31-də saat 11.00 radələrində Nərimanov rayonu Z.Bünyadov prospektində qeydə alınıb.
Şərur rayon sakini Hafiz Mahmudov idarə etdiyi "Mercedes" markalı yük avtomobili ilə Masallı rayon sakini Tərlan Şahbazovu vurub.
Nəticədə xəsarətlə xəstəxanaya yerləşdirilmiş T. Şahbazov orada dünyasını dəyişib. Faktla bağlı Nərimanov RPİ tərəfindən araşdırma aparılır.