Bakıda dilənçilərə qarşı növbəti reyd, 25 nəfər saxlanıldı

Bakıda daha 25 dilənçi saxlanılıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Binəqədi RPİ 6-cı polis bölməsi əməkdaşları tərəfindən avaralıq və dilənçiliklə məşğul olan 25 nəfər saxlanılıb və Bakı BPİ-nin İnzibati Həbs Olunanların Saxlama Məntəqəsinə göndəriliblər. Saxlanılan şəxslərdən 15 nəfəri qadındır.