Çörəyin içərisində telefon keçirmək istədi
Penitensiar xidmət əməkdaşlarının həyata keçirdikləri əməliyyat-axtarış tədbirləri nəticəsində cəzaçəkmə müəssisəsinə qadağan olunmuş əşyanın keçirilməsinin qarşısı alınıb. Penitensiar xidmətin ictimaiyyətlə əlaqələr şöbəsindən "Olaylar"a verilən məlumata görə, 2 saylı istintaq təcridxanasında saxlanılan 1987-ci il təvəllüdlü, Azərbaycan Respublikası Cinayət Məcəlləsinin 126.3; 228.4; 66.3-cü maddələri ilə təqsirli bilinərək 8 il müddətinə azadlıqdan məhrum edilmiş məhkum Elnur Tahir oğlu Orucova atası, Gəncə şəhər sakini Tahir Abuzər oğlu Orucovun gətirdiyi sovqata baxış keçirilən zaman çörəyin içərisində gizlədilmiş 3 ədəd "Nokia" markalı mobil telefon aparatları, elektrik qidalandırıcısının hissəsi və bir ədəd "CİN" kart aşkar edilərək götürülüb.
Faktlar üzrə araşdırmalar aparılır.