Bakıda sərnişin avtobusu qəza törətdi: ölən var

İyunun 26-da Bakı şəhərinin Qaradağ rayonu ərazisində ölümlə nəticələnən yol-nəqliyyat hadisəsi baş verib.Rayon Polis İdarəsindən Lent.az-a verilən məlumata görə, kənar dairəvi yolda, "Meyvəli" topdansatış bazarının yaxınlığında 196 saylı xətt üzrə hərəkət edən "Otoyol" markalı, 10 TB 646 nömrə nişanlı sərnişin avtobusu piyadanı vurub. Təxminən 40-45 yaşlı piyada ağır vəziyyətdə xəstəxanaya aparılıb. Lakin həkimlərin səyinə baxmayaraq xəsarət almış kişinin həyatını xilas etmək mümkün olmayıb.Faktla əlaqədar araşdırma aparılır.