Xudat Konserv Zavodunda yanğın

Xaçmazda zavodda yanğın hadisəsi baş verib. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə Xudat qəsəbəsində "Xudat Konserv Zavodu"nun ərazisində baş verib. Zavodda həcmi 55 kub.m və 25 kub.m olan 2 ədəd istismara yararsız çənin içərisində neft qalıqları və 0,5 ha sahədə quru ot yanıb. Yaxınlıqdakı tikililər yanğından mühafizə olunub. Yanğın saat 15:00-da yanğınsöndürənlər tərəfindən söndürülüb.