Xilasedicilər qəzaya uğramış avtomobildə ölmüş sürücünü çıxarıblar

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı-Qazax yolunun 53-cü kilometrliyində "BMW" markalı minik avtomobili ilə "KAMAZ" markalı yük avtomobili toqquşub. Nəticədə, "BMW" markalı nəqliyyat vasitəsi ağır deformasiyaya uğramış və avtomobildə olan sərnişin Nəzirov Elçin Novruzağa oğlu hadisə zamanı həlak olub. FHN-dən "Olaylar"a verilən məlumata görə, xilasedicilər dərhal hadisə yerinə cəlb olunublar. Təhlükəsizlik qaydalarına riayət etməklə xüsusi alət və avadanlıqlar vasitəsilə həlak olmuş şəxsin meyitini  avtomobildən çıxarılaraq  aidiyyəti üzrə təhvil verilib.