Azərbaycanda zavodda baş verən qəzanın təfərrüatları məlum oldu VIDEO

Baş vermiş çökmə nəticəsində ölən 2 nəfərin zavodun işçisi olmadığı deyilir

Gəncədəki Det AL Alüminium Zavodunda baş verən qəzanın təfərrüatları məlum olub. Belə ki, zavodda baş vermiş çökmə nəticəsində ölən 2 nəfərin zavodun işçisi olmadığı deyilir.  Gəncə şəhər Prokurorluğundan ANS PRESS-in bölgə müxbirinə verilən məlumata görə, zavodun sexində söküntü işləri aparılması ilə əlaqədar hazırlıq işləri görülərkən qəftələtən dəmir beton konstruksiya çöküb. Nəticədə Sumqayıt sakinləri Vyaçeslav Feyzullayev və Səlim Seyfullayev metal-beton tavanın altında altında qalıb. Hər iki şəxs aldığı bədən xəsarətlərindən ölüblər.
"Həmin cinayət işi üzrə toplanmış materiallar nəticəsində texniki təhlükəsizlik təyin olunacaq bunun nəticəsində texniki təhlükəsizlik qaydalarının pozulub-pozulmadığı müəyyənləşdiriləcək", - deyə Gəncə şəhər prokurorunun köməkçisi bildirib.  Zavodun baş direktoru Cəmil Səfərov ANS PRESS-in bölgə müxbirinə bildirib ki, ölən şəxslər podratçı şirkətin müqavilə üzrə cəlb etdiyi işçilərdi.  "Şifariççi Det-Aldır, amma söküntü işləri gedir. Bunların Det-Ala nə aidiyyatı var. Det Al yalnız sifarişçidir", - deyə Cəmil Səfərov bildirib.
Qeyd edək ki, ölən şəxslərdən başqa xəsarət alanların olmadığı bildirilir. Faktla bağlı Gəncə ş. Prokurorluğunda cinayət işi açılıb, istintaq aparılır.