Azərbaycanlı boksçunun evində partlayış: azyaşlı uşaq dünyasını dəyişdi

Soltan Migitinovun həyat yoldaşı və digər 2 uşağı hazırda xəstəxanadadır

Azərbaycanlı boksçu Soltan Migitinovun ailəsinə faciə üz verib. ANS PRESS-in məlumatına görə, boksçunun evində qaz partlaması nəticəsində, azyaşlı uşağı dünyasını dəyişib. Hadisə nəticəsində S. Migitinovun xəsarət almış həyat yoldaşı və digər 2 uşağı isə hazırda xəstəxanadadır.Qeyd edək ki, bununla bağlı boksçu iyunun 1-də Belarusun paytaxtı Minskdə start götürəcək boks üzrə böyüklər arasında növbəti Avropa çempionatında iştirak etməyəcəyi gözlənilir. 75 kq çəki dərəcəsində onu digər boksçu əvəz edə bilər.