Sumqayıtda “KamAz” “Jiquli”ni tapdadı, 3 nəfər öldü

Sumqayıtda dəhşətli yol qəzası baş verib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə mayın 23-də saat 17.55 radələrində Sumqayıt şəhəri H.Z.Tağıyev qəsəbəsinin ərazisində baş verib. Qəsəbə sakini Musa Musayevin idarə etdiyi "KamAZ" markalı  və İnşaatçılar qəsəbə sakini Sahib Məmmədovun idarə etdiyi "VAZ-21011" markalı avtomaşınlar toqquşub. Nəticədə S.Məmmədov və sərnişinləri, Sumqayıt şəhər sakinləri Xanqulu Cəbiyev və Səməd Allahverdiyev hadisə yerində ölüblər.
Sumqayıt ŞPİ tərəfindən araşdırma aparılır.