Xırdalanda avtomobil sexi yandı

Sexdə olan bir avtomobil və avadanlıqlar külə döndü

Abşeronda avtomobil təmiri sexində qəfil yanğın olub. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə Xırdalan şəhərində baş verib. Vətəndaşa məxsus ümumi sahəsi 40 kv.m olan avtomobil təmiri sexinin dam örtüyünün yanar konstruksiyaları 15 kv.m sahədə, təmirə dayanmış "VAZ" markalı minik avtomobilinin yanar hissələri və 1 ədəd kompüter yanıb. Sexin qalan hissəsi yanğınsöndürənlər tərəfindən yanğından mühafizə olunub.