Bakıda öldürülən əcnəbi tələbənin qətlində sevgi versiyası VIDEO

Bakı şəhərində alman tələbənin qatili tutuldu. "Qafqazinfo"nun məlumatına görə, sosial şəbəkələrdə Vüsal Şilderə məxsus olan hesablarda gəncin yaxınları qətlin baş vermə səbəbi kimi onun sevgilisinin də adını hallandırıblar.

----------

Bakı Şəhər Baş Polis İdarəsindən Milli.Az-a verilən məlumata görə, mayın 2-i Ə.Rəcəbli küçəsində iki bıçaq zərbəsi ilə qətlə yetirilmiş Almaniya vətəndaşı Vüsal Şilderi öldürməkdə şübhəli bilinən Şabran rayon sakini Elman İsgəndərov mayın 5-də yaxalanıb.
Əvvəllər məhkum olunmuş həmin şəxsə qarşı Daxili İşlər Nazirliyinin Baş Cinayət-Axtarış İdarəsi, BŞBPİ-nin cinayət-axtarış idarəsi, Təhlükəsiz Şəhər xidməti, Nərimanov Rayon Polis İdarəsinin cinayət-axtarış şöbəsi, 18-ci polis bölməsi, Şabran Rayon Polis Şöbəsi əməkdaşları birgə əməliyyat tədbirləri keçiriblər.
Milli.Az-ın əldə etdiyi məlumata görə, V.Şilder aprel ayında qəzaya düşüb. Onun avtomobilini əzmişdilər. Ehtimal olunurdu ki, onu öldürənlər də elə həmin şəxslər ola bilərlər.
Nərimanov Rayon Prokurorluğundan Milli.Az-a bildirildi ki, qətlin istintaqını Baş Prokurorluğun Ağır Cinayətlərə dair İstintaq İdarəsi aparır.