Narkotacirin cəzası yüngülləşmədi

Şirvan Apellyasiya Məhkəməsində İrandan Azərbaycana küllü miqdarda narkotik vasitə gətirməkdə ittiham olunan Niyaz Kazımovun apelyasiya şikayəti üzrə məhkəmə başa çatıb. Bu barədə OLAYLAR"a məhkəmədən məlumat verilib . Hakim İsmayıl Əhmədovun sədrliyi ilə keçirilən prosesdə qərar elan edilib. Qərara görə, təqsirləndirilən şəxsin cəzasının yüngülləşdirilməsi ilə bağlı apelyasiya şikayəti təmin edilməyib.
Lənkəran Ağır Cinayətlər Məhkəməsinin hökmü ilə Niyaz Kazımov 8 il 6 ay müddətinə azadlıqdan məhrum edilib. Niyaz Kazımov Cinayət Məcəlləsinin 206.2-ci (qaçaqmalçılıq) və 234.4.3-cü (Qanunsuz olaraq küllü miqdarda narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma) maddələri ilə ittiham edilib.