Salyanda balıq tutan sumqayıtlı yıxılıb öldü

Salyanda balıq tutan Sumqayıt sakini bədbəxt hadisə nəticəsində ölüb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə aprelin 25-də Şirvan su kanalının Salyan rayonu ərazisindən keçən hissəsində baş verib. Sumqayıt şəhər sakini Sevindik Əliyev balıq tutarkən başı dəmir parçasına dəyib. Xəsarətlə xəstəxanaya yerləşdirilmiş S.Əliyev aprelin 27-də orada ölüb.