Gürcüstan vətəndaşını sel Azərbaycana gətirdi
FHN axtarışlara başladı
Gürcüstanda çaya düşən şəxs Azərbaycan ərazisində axtarılır. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə aprelin 25-də baş verib. Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, Gürcüstan ərazisində 1 nəfər Qanıxçay (Alazan) çayına düşüb. Həmin şəxsin suyun axını ilə Azərbaycan ərazisinə keçdiyi ehtimal olunur. Fövqəladə Hallar Nazirliyinin müvafiq xilasetmə qüvvələri, o cümlədən, Aviasia dəstəsinin helikopteri və Dövlət Sularda Xilasetmə Xidmətinin dalğıc-xilasediciləri və vasitələri dərhal axtarışlara cəlb olunub. Hələlik axtarışlar nəticə verməyib. Hazırda axtarış-xilasetmə tədbirləri davam etdirilir.