Dəhşət! Ata 4 yaşlı uşağını döyüb öldürdü

Azyaşlı xəstəxanaya çatdırılsa da, onun həyatını xilas etmək mümkün olmayıb

Türkiyədə ata 4 yaşlı oğlunu döyərək öldürüb. Hadisə Afyonkarahisar vilayəti Başmaqçı rayonunun Beltarla kəndində baş verib. Məlumata görə, Beltarla sakini A.Ç. azyaşlı oğlunu naməlum səbəblə döyüb. 4 yaşlı S.Ç.-nin vəziyyətinin kəskin pisləşməsi ilə qohumları evə təcili yardım çağırıb. Evdə ilk tibbi müdaxilə göstərilən azyaşlı daha sonra xəstəxanaya çatdırılsa da, onun həyatını xilas etmək mümkün olmayıb. Ata zorakılığının qurbanı olan azyaşlının cəsədi araşdırılmaq üçün məhkəmə tibbi ekspertizasına təhvil verilib. Ata A.Ç. isə polis tərəfindən saxlanılıb.