Qadın evinə basqın edənlərdən necə qurtuldu?

Qadının əl-ayağını yapışqan lentlə bağlamaq istəsələr də...

Gəncə şəhərində evə basqın olub. Şəhər Baş Polis İdarəsindən Milli.Az-a verilən məlumata görə, Gülüstan qəsəbəsi, ev 37, mənzil 5-də yaşayan 48 yaşlı Məhəbbət Qurbanovanın evinə gələn şəxslər özlərini qaz idarəsinin işçiləri kimi təqdim edərək evə soxulublar. Onlar qadını bıçaqla hədələyərək pul verməsini tələb ediblər.
Məhəbbət Qurbanovanın əl-ayağını yapışqan lentlə bağlamaq istəsələr də, qadının qışqırması onların niyyətini gözlərində qoyub. Ələ keçəcəklərindən qorxan şəxslər maşına minərək qaçıblar.
Faktla bağlı araşdırma aparılır.