Bakının mərkəzində bir gündə iki silahlı zərərsizləşdirildi

Bakıda bir güncdə iki silahlı şəxs yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Nəsimi RPİ əməkdaşlarının keçirdikləri əməliyyat-axtarış tədbirləri nəticəsində Kürdəmir rayon sakini, əvvəllər məhkum olunmuş Rauf Nadirovdan 1 ədəd nömrəsi silinmiş "Makarov" markalı tapança və 3 ədəd patron götürülüb. Həmin gün Nəsimi RPİ 19-cu PB əməkdaşlarının keçirdikləri daha bir əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Yusif Qulamovdan 1 ədəd "Mauzer" markalı tapança götürülüb.