FHN batan balıqçı ilə bağlı məlumat yayıb

İtkin düşən şəxsin axtarışları davam edir

Fövqəladə Hallar Nazirliyi Xəzər dənizində balıqçının batması barədə məlumat yayıb. ANS PRESS-in nazirliyin rəsmi saytına istinadən verdiyi məlumata görə, aprelin 11-də 2 nəfər Masallı rayonu, Qızılağac kəndi ərazisindən qayıqla dənizə çıxıb, lakin hava küləkli olduğundan qayıq çevrilib.
Qayıqda olan 1979-cu il təvəllüdlü Niyaməddin Mirzəxan oğlu Ağayev üzərək sahilə çıxıb, 1981-ci il təvəllüdlü Elsevər Mehman oğlu Allahverdiyev itkin düşüb.
Hazırda Fövqəladə Hallar Nazirliyinin Dövlət Sularda Xilasetmə Xidmətinin dalğıc-xilasediciləri tərəfindən E. Allahverdiyevin axtarışları aparılır. Əlavə məlumat veriləcək.