Sumqayıtda ağır qəza, ölən və yaralananlar var

Sumqayıtda ölümlə nəticələnən ağır yol qəzası baş verib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə martın 31-də saat 22.00 radələrində baş verib. Sumqayıt şəhəri Sülh küçəsində Elçin İmanovun idarə etdiyi "VAZ-2107" markalı və Əkbər Mahmudovun idarə etdiyi "Chevrolet" markalı avtomaşınlar toqquşub. Nəticədə E.İmanov hadisə yerində ölüb, Ə.Mahmudovun xəsarət almış sərnişinləri - Bakı şəhər sakinləri Şərqiyə Məhərrəmova və onun bacısı Solmaz isə xəstəxanaya yerləşdirilib.
Sumqayıt ŞPİ tərəfindən araşdırma aparılır.