Naxçıvanda daha bir qəza - 1 hərbçi öldü

Azərbaycanda hərbi maşın qəzaya uğrayıb. APA-nın məlumatına görə, hadisə bu gün 12.30 radələrində Naxçıvan Muxtar Respublikasında qeyd alınıb.  Culfa-Ordubad yolunda hərəkətdə olan, "N" saylı hərbi hissəyə məxsus yük maşınının aşması nəticəsində maşınının komandiri, 1986-cı il təvəllüdlü gizir Roman İslam oğlu Məmmədov hadisə yerində ölüb.  Müdafiə Nazirliyinin mətbuat xidmətinin rəis müavini, mayor Teymur Abdullayev APA-ya məlumatı təsdiqləyib.