Bakıda daha bir təhlükəli sursat tapıldı
FHN Qaradağda aşkarlanan tank mərmisini zərərsizləşdirdi
Bakıda təhlükəli tank mərmisi aşkarlanıb. "OLAYLAR"ın Fövqəladə Hallar Nazirliyinin saytına istinadən verdiyi xəbərə görə, "112" qaynar telefon xəttinə Bakı şəhərinin Qaradağ rayonunda partlamamış döyüş sursatının aşkarlanması barədə məlumat daxil olub. Dərhal Fövqəladə Hallar Nazirliyinin müvafiq xilasetmə qüvvələri və mütəxəssisləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Xilasedicilər vətəndaşların təhlükəli ərazidən uzaqlaşdırılmasını təmin ediblər. Daha sonra nazirliyin mütəxəssisləri aidiyyəti qurumların əməkdaşları ilə birgə aşkarlanmış sursata baxış keçiriblər. Baxış zamanı tapılan sursatın döyüş başlığı olmayan 1 ədəd 100 millimetrlik tank mərmisi olduğu müəyyənləşib. Mərmi zərərsizləşdirilməsi üçün aidiyyəti üzrə təhvil verilib.