Bakıda maskalı kişilər qadınlar olan evə basqın etdilər

Bakının Suraxanı rayonu ərazisində qadınlar olan mənzilə basqın olub. Rayon Polis İdarəsindən Milli.Az-a verilən məlumata görə, basqın Hövsan qəsəbəsi, bağlar massivində, 56 yaşlı Zülfiyyə Əsgərovanın evinə olub.
Maskalılar ev sahibi və onun qohumları olan Humay Əsədova və Pərvanə Ağayevanın əl-qolunu bağlayaraq mənzilin ortasına uzadıblar. Sonra onlar Zülfiyyənin 900 manatını və qızıl-zinət əşyalarını götürərək qaçıblar.
Faktla bağlı Cinayət Məcəlləsinin qabaqcadan əlbir olan bir qrup şəxs tərəfindən quldurluq etmə maddəsi ilə cinayət işi başlanıb.