Bakıda dəhşətli qəza, ölən və yaralananlar var

Bakıda ölümlə nəticələnən daha bir ağır yol qəzası baş verib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə martın 5-də saat 01.15 radələrində Sabunçu rayonu Pirşağı qəsəbəsinin ərazisində baş verib. Abşeron rayon sakini Məharət Əliyevin idarə etdiyi "Mercedes" markalı, Bakı şəhər sakinləri Dilşad Əliyevanın idarə etdiyi "VAZ-2103" markalı və Qafar Qafarovun idarə etdiyi "BMW" markalı avtomaşınlar toqquşub. Nəticədə Q.Qafarovun sərnişini - Bakı şəhər sakini Aydın Rzayev hadisə yerində ölüb, xəsarət almış özü və Ə.Ənnağıyev xəstəxanaya yerləşdirilib.
Sabunçu RPİ tərəfindən araşdırma aparılır.