Bakıda bankdan saxta yolla pul çıxaranlar ifşa olunub

Bakıda bankdan saxta yolla pul götürmək istəyən mütəşəkkil dəstə ələ keçib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən verdiyi xəbərə görə, cari ilin yanvar ayının 11-də Bakı şəhər sakinləri Fatma Ağayevanın və Elbrus Şəmsiyevin "Ekspress" banka saxta arayış təqdim edərək, oradan 1500 manat pul götürmələri Nizami RPİ 24-cü PB əməkdaşları tərəfindən müəyyən edilib. Faktla əlaqədar cinayət işi başlanıb.