Bakıda içi pulla dolu seyf oğurlandı

Seyfi oğurlayan şəxs artıq tutulub

Bakıda oğurluq etmiş şəxs yaxalanıb. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, Qaradağ RPİ 10-cu PB əməkdaşlarının həyata keçirdikləri əməliyyat-axtarış tədbirləri nəticəsində fevralın 24-də Ramil Quliyevə məxsus mağazadan içərisində 9000 manat pul və danışıq kartları olan seyfi oğurlamış Sumqayıt şəhər sakini Sələddin Quliyev müəyyən edilib.

S.Quliyev yaxalanaraq istintaqa təhvil verili. Araşdırmalar davam etdirilir.