Sumqayıtda dəhşətli qəzada 3 gənc həlak oldu

1 nəfər isə ölümcül vəziyyətə düşdü

Sumqayıtda baş verən dəhşətli yol qəzası 3 gəncin həyatına son qoyub. Bu barədə Daxili İşlər Nazirliyi məlumat yayıb. Hadisə iyunun 1-də saat 01.00 radələrində baş verib. Sumqayıt şəhəri ərazisində Elnur Aslanov "VAZ-21015" markalı avtomaşını idarə edərkən onu hasara vurub. Nəticədə E.Aslanov və sərnişinlərindən Gündüz Abuşov və Valeh Babayev hadisə yerində ölüb, xəsarət almış digər sərnişini Eldar Nemətov isə xəstəxanaya yerləşdirilib, vəziyyəti ağırdır.