Nazirlər Kabineti adından istifadə edən dələduz yaxalandı

Baş Mütəşəkkil Cinayətkarlıqla Mübarizə İdarəsinin əməkdaşları Azərbaycanda özünü Nazirlər Kabinetinin işçisi kimi təqdim edərək dələduzluq edən şəxsi yaxalayıb. Bu barədə Daxili İşlər Nazirıliyi məluamat yayıb. "OLAYLAR"ın nazirliyin saytına istinadən yaydığı məlumatda bildirilir ki, idarə əməkdaşları tərəfindən Sumqayıt şəhər sakini Ramil Həsənzadənin vəzifəli şəxslərin adlarından istifadə etməklə özünü mövcud olmayan Nazirlər Kabinetinin Yardım Məsələləri üzrə Dövlət Komissiyaının üzvü kimi təqdim edib, dövlət yardımı ayrılacağı adı ilə Sumqayıt-Bakı yolunun kənarındakı evlərdən birində yaşayan Cəbrayıl rayon sakini Aqil Həsənovdan 17500 manat, Binə qəsəbəsi ərazisindəki evlərdən birində yaşayan Barat Məhərrəmovdan isə 33600 manat pul alması müəyyən edilib. Faktla əlaqədar cinayət işi başlanıb.